హసన్ అలీ ఖాన్‌కు తగిన రక్షణ కల్పించండి: సుప్రీంకోర్టు ఆదేశం

న్యూఢిల్లీ‌: నల్లధనం, పన్ను ఎగవేతలకు సంబంధించి విచారణను ఎదుర్కుంటున్న పూణేకు చెందిన వ్యాపారవేత్త హసన్ అలీ ఖాన్‌కు తగిన రక్షణ కల్పించాలని సుప్రీంకోర్టు మంగళవారం కేంద్ర ప్రభుత్వాన్ని, మహారాష్ట్ర ప్రభుత్వాన్ని ఆదేశించింది. కేసుకు సంబంధించి ఉన్న సమస్య రీత్యా హసన్ అలీ ఖాన్ వాంగ్మూలాలను, సాక్షుల వాంగ్మూలాలను వీడియోలో రికార్డు చేయాలని సుప్రీంకోర్టు దర్యాప్తు సంస్థలను ఆదేశించింది.

సస్పెండ్ అయిన మహారాష్ట్ర పోలీసు అధికారి ఆసోక్ దేశ్‌బ్రతర్ రికార్డు చేసిన హనస్ అలీ వాంగ్మూలాల సిడీలను, రాతప్రతులను ఏప్రిల్ 8వ తేదీలోగా తమ ముందుంచాలని బి సుదర్శన్ రెడ్డి, ఎస్ఎస్ నిజ్జార్‌లతో కూడిన సుప్రీంకోర్టు ప్రభుత్వాన్ని ఆదేశించింది. ఖాన్ భద్రతకు సంబంధించి మాత్రమే కాకుండా ఇతర అంశాలపై తాము అడిగిన విషయాలకు ప్రభుత్వం ప్రతిస్పందించిన తర్వాత సుప్రీంకోర్టు ఆ ఆదేశాలు జారీ చేసింది.

English summary

The Supreme Court today directed the Union and the Maharashtra governments to provide adequate protection to Pune stud farm owner Hasan Ali Khan, facing probe for allegedly stashing away black money abroad and evading taxes, and his family.