వైయస్ వివేకా రాజీనామాను ఆమోదించడం లేదు: కిరణ్ కుమార్

హైదరాబాద్: వ్యవసాయ శాఖ మంత్రి వైయస్ వివేకానందరెడ్డి రాజీనామాను తాను ఆమోదించడం లేదని ముఖ్యమంత్రి కిరణ్ కుమార్ రెడ్డి బుధవారం అన్నారు. శాసనమండలి సభ్యుడిగా తన కాలం పూర్తి అయినందున ఆయన తన మంత్రి పదవికి రాజీనామా చేశారని అన్నారు. అయితే ఆయన రాజీనామాను తాను ఆమోదించడం లేదన్నారు. ఆయన మంత్రిగా కొనసాగుతారని అశాభావం వ్యక్తం చేశారు.

కాగా ఈ రోజు ఉదయం ముఖ్యమంత్రి క్యాంపు కార్యాలయానికి వెళ్లి వైయస్ వివేకానందరెడ్డి తన రాజీనామా పత్రాన్ని ఇచ్చిన విషయం తెలిసిందే. తన పదవీ కాలం ముగిసినందునే రాజీనామా చేస్తున్నట్టు చెప్పారు. కడప పార్లమెంటుకు, పులివెందుల శాసనసభకు ఉప ఎన్నికలు ఉన్నందున రాజీనామా చేస్తున్నట్లు కూడా ఆయన చెప్పారు.

English summary

CM Kiran Kumar Reddy said today that he is not accepting agriculture minister YS Vivekananda Reddy's resignation.