ఇక నిర్ణయం ముఖ్యమంత్రి కిరణ్‌దే: వైయస్ వివేకానంద రెడ్డి

హైదరాబాద్: తన రాజీనామాపై నిర్ణయం తుది నిర్ణయం ముఖ్యమంత్రి కిరణ్ కుమార్ రెడ్డిదేనని వ్యవసాయ శాఖ మంత్రి వైయస్ వివేకానందరెడ్డి బుధవారం అన్నారు. ముఖ్యమంత్రికి ఆయన క్యాంపు కార్యాలయంలో వివేకానందరెడ్డి తన రాజీనామా పత్రాన్ని సమర్పించిన అనంతరం ఆయన విలేకరులతో మాట్లాడారు. శాసనమండలి అభ్యర్థిగా తన పదవీ కాలం ముగిసినందునే తాను మంత్రి పదవికి రాజీనామా చేసినట్లు ఆయన చెప్పారు.

అయినా త్వరలో కడప పార్లమెంటుకు, పులివెందుల శాసనసభకు ఉప ఎన్నికలు ఉన్నాయని, ఎన్నికలకు వెళ్లేముందు మంత్రి పదవి ఎందుకని ఆయన అన్నారు. కాగా దివంగత ముఖ్యమంత్రి వైయస్ రాజశేఖరరెడ్డిపై ప్రతిపక్షాలు చేస్తున్న తీవ్ర ఆరోపణలు, ప్రతిపక్షాలు డిమాండ్ కారణంగా వైయస్‌ను అవమానించేలా ప్రభుత్వం సభా సంఘం వేయడం వంటి కారణాలు కూడా ఆయన రాజీనామా నిర్ణయానికి దారి తీసినట్టుగా తెలుస్తోంది.

English summary

Agriculture minister YS Vivekananda said that his resignation acceptance is CM Kiran Kumar Reddy decision. He said he was resigned for his MLC is ended.