అది అక్రమ సంతానం: చంద్రబాబుపై ధ్వజమెత్తిన జగన్ వర్గం

By Srinivas

Published: Wednesday, March 30, 2011, 16:44 [IST]

హైదరాబాద్: మాజీ పార్లమెంటు సభ్యుడు, వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వర్గం నేతలు బుధవారం కాంగ్రెసు పార్టీపైన, తెలుగుదేశం పార్టీ అధినేత చంద్రబాబుపైన వేరు వేరుగా తీవ్రస్థాయిలో విరుచు పడ్డారు. చంద్రబాబుకు నైతిక విలువల గురించి మాట్లాడే హక్కు లేదని గోనె ప్రకాశ్ రావు అన్నారు. డబ్బులకు ఓట్లను అమ్ముకుంటున్నారని చంద్రబాబు అనడం విచిత్రంగా ఉందన్నారు. చంద్రబాబు డబ్బులకు ఓట్లు కొన్నాడని ఆరోపించారు. అందుకు తానే ప్రత్యక్ష సాక్షిని అని, తన వద్ద ఆదారాలు ఉన్నాయని చెప్పారు.

చంద్రబాబు తీరు దయ్యాలు వేదాలు వల్లించినట్లుగా ఉందని గోనె విమర్శించారు. మాజీ ముఖ్యమంత్రి వైయస్ రాజశేఖరరెడ్డి హయాంలోని భూకేటాయింపులపై ప్రభుత్వం సభా సంఘం వేయడం విచారకరమని మరో నేత గట్టు రామచంద్రరావు అన్నారు. సభాసంఘం వేయడం వైయస్‌ను అవమానపర్చడమే అన్నారు. కాంగ్రెసు, టిడిపిల అక్రమ సంతానమే సభా సంఘం అన్నారు.

Published On March 30, 2011