కడప ఎన్నికలతో పాటు జరగకుండా రాజీనామాపై కుట్ర: ఈటెల

హైదరాబాద్: నిజామాబాద్ జిల్లా బాన్సువాడ శాసనసభ్యుడు పోచారం శ్రీనివాస్ రెడ్డి రాజీనామాను ఆమోదించకపోవడం ఓ కుట్ర అని తెలంగాణ రాష్ట్ర సమితి శాసనసభా పక్ష నేత ఈటెల రాజేందర్ శుక్రవారం ఆరోపించారు. పోచారం రాజీనామాను ఉప సభాపతి నాదెండ్ల మనోహర్ ఆమోదిస్తే కడప పార్లమెంటు, పులివెందుల శాసనసభ ఎన్నికలతో పాటు బాన్సువాడ ఎన్నికలు జరుగుతాయనే ఉద్దేశ్యంతోనే ప్రభుత్వం ఆయన రాజీనామాపై తాత్సారం చేస్తుందని ఆరోపించారు.

పోచారం రాజీనామాను ఆమోదించే వరకు ఒత్తిడి తీసుకు వస్తామని చెప్పారు. కడప ఎన్నికలతో పాటు బాన్సువాడ ఎన్నికలు జరగవద్దనే రాజీనామాపై ఇలా చేస్తున్నారని ఆరోపించారు. పోచారం రాజీనామా ఆమోదించే వరకు దీక్ష చేపడతామని ఆయన చెప్పారు. అయితే గన్‌పార్కు వద్ద దీక్ష చేపట్టే అవకాశాలు ఉన్నట్టుగా తెలుస్తోంది. కాగా రాజీనామా ఆమోదానికి ఉప సభాపతి అందుబాటులో లేరని అసెంబ్లీ కార్యాలయం చెబుతోంది.

English summary

TRSLP Etela Rajender demanded government to accept banswada MLA Pocharam Srinivas Reddy resignation. He said it is government strategy.