• search
  • Live TV
అనంతపురం వార్తల కోసం
నోటిఫికేషన్స్ పై క్లిక్ చేయండి  

సత్య సాయిబాబా కన్ను మూసినట్లు పుట్టపర్తిలో పుకార్లు

By Pratap
|

Sathya Sai Baba
అనంతపురం: పుట్టపర్తి సత్య సాయిబాబా కన్ను మూసినట్లు పుకార్లు గుప్పుమంటున్నాయి. అయితే, ఈ పుకార్లను సత్యసాయి ట్రస్టు సభ్యులు ఖండిస్తున్నారు. సత్యసాయిబాబా సూపర్ ఆస్పత్రిలోని ఐసియులో చికిత్స పొందుతున్నట్లు చెబుతున్నారు. శనివారం ఉదయం పూట ఊపిరి తీసుకోవడం కొద్దిగా కష్టమైందని, అయితే ఇప్పుడు బాగానే ఉన్నారని వారు చెబుతున్నారు. మధ్యాహ్నం ఒంటి గంటకు వైద్య బులిటెన్ విడుదల చేయనున్నట్లు చెబుతున్నారు. సత్య సాయిబాబా ఉగాది పండుగ రోజు భక్తులకు దర్సనమిస్తారని వారు చెబుతున్నారు. సత్య సాయిబాబా ఆరోగ్యం బాగు పడాలని భక్తులు పూజలు చేస్తున్నారు.

పుట్టపర్తి సత్య సాయిబాబా ఆరోగ్యం మళ్లీ క్షీణించిందనే వదంతులు శనివారం ఉదయం గుప్పుమన్నాయి. ఆరోగ్యం క్షీణించడంతో ఆయన పుట్టపర్తిలో సూపర్ స్పెషాలిటీ ఆస్పత్రిలో వారం రోజులుగా చికిత్స పొందుతున్నారు. పుట్టపర్తిలో డిజిపి అరవింద్ రావు ఏర్పాటు చేసిన సమావేశం నుంచి డిఐజి చారు సిన్హా అకస్మాత్తుగా వెళ్లిపోయారు. దీంతో ఆ వదంతులు మరింతగా వ్యాపించాయి. పుట్టపర్తి సత్యసాయిబాబా ఆరోగ్యానికి సంబంధించిన సమాచారం అందడం వల్ల డిజిపి సమావేశం నుంచి హఠాత్తుగా చారు సిన్హా బయలుదేరి వెళ్లారని అంటున్నారు.

అయితే, సత్యసాయిబాబా ఆరోగ్యం మెరుగ్గా ఉందని సత్య సాయి ట్రస్టు ప్రకటించింది. సత్య సాయిబాబా ఆరోగ్యం గురించి వదంతులను విశ్వంసించవద్దని ట్రస్టు ప్రజలకు సూచించింది. సత్యసాయిబాబా ఆరోగ్యం బాగానే ఉందని పుట్టపర్తి సిఐ చెప్పారు. సత్య సాయిబాబా వైద్యులతో మాట్లాడుతున్నారని సిఐ అన్నారు. జానకీరామ్ కుటుంబ సభ్యులు ప్రతి రోజూ సత్య సాయిబాబాను కలుస్తున్నట్లు తెలిపారు. ఆస్పత్రిలోకి జానకీరామ్ కుటుంబ సభ్యులను తప్ప ఎవరిని కూడా అనుమతించడం లేదు. బాబా 96 ఏళ్లు జీవిస్తారని, ఇంకా పదేళ్లు సత్య సాయిబాబా బతుకుతారని అంటున్నారు.

English summary
A rumour was spread saying Puttaparthi Satya Saibaba's health has deteriorated again. But, Satya trust is condemning the rumours. It said that baba;s health is good.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X