పెళ్లి చేసుకుంటానని మోసం, ప్రియుడి ఇంటి ముందు ప్రియురాలి ధర్నా

ఏలూరు: తనను ప్రేమించి పెళ్లి చేసుకుంటానని మోసం చేసిన ఓ ప్రియుడి ఇంటి ముందు ప్రియురాలు నిరాహార దీక్షకు దిగింది. ఈ సంఘటన పశ్చిమ గోదావరి జిల్లా ఐ పోలవరం మండలం కొమరగిరి గ్రామంలో చోటు చేసుకుంది. కొమరగిరి గ్రామానికి చెందిన నాగమణి, అరుణ్ కుమార్ ఇద్దరూ గత కొన్నాళ్లుగా ప్రేమించుకుంటున్నారు. ఆమెను ప్రేమిస్తున్నానని చెప్పి అరుణ్ కుమార్ శారీరకంగా కూడా లొంగదీసుకున్నట్టుగా తెలుస్తోంది. పెళ్లి చేసుకుంటానని నాగమణికి మాట కూడా ఇచ్చాడు.

వీరి ప్రేమ విషయం తెలిసిన నాగమణి తండ్రి ఆమెకు వేరే సంబంధాన్ని సెట్ చేశాడు. అయితే నాగమణి తండ్రి వేరే సంబంధం సెట్ చేయడం తెలిసిన అరుణ్ ఆ పెళ్లిని కూడా చెడగొట్టాడు. నాగమణిని తాను చేసుకోకుండా, సెట్ అయిన సంబంధాన్ని చెడగొట్టడంతో ప్రియురాలు నాగమణి చేసేది లేక అరుణ్ కుమార్ ఇంటిముందు నిరాహార దీక్షకు దిగింది.

English summary

A girl took fast at her lover's residence for marriage in West Godavari. Nagamani took fast at her lover Arunkumar's residence today. She demanded to marry her.