7నుండి తమిళనాడులో చిరంజీవి ప్రచారం: మూడు రోజులకే పరిమితం

చెన్నై: ఇటీవలె తన పార్టీని కాంగ్రెసులో విలీనం చేస్తున్నట్టుగా ప్రకటించిన ప్రజారాజ్యం పార్టీ వ్యవస్థాక అధినేత చిరంజీవి తమిళనాడులో ఎన్నికల ప్రచారంలో మూడు రోజులు పాల్గొననున్నారు. పిఆర్పీని కాంగ్రెసులో విలీనం చేస్తానని చెప్పిన తర్వాత కాంగ్రెసు పార్టీ జాతీయ నేతలు చిరంజీవిని తమిళనాడులో ప్రచారం చేయమని చెప్పిన అడిగిన విషయం తెలిసిందే. అందుకు చిరంజీవి కూడా సమ్మతించారు. ఎన్నికల ప్రచారానికంటే ముందుగానే పిఆర్పీని కాంగ్రెసులో విలీనం చేసి కాంగ్రెసు నేతగా వెళ్లాలని అనుకున్నప్పటికీ విలీనం కాక పోవటంతో పిఆర్పీ అధినేతగానే వెళుతున్నారు.

ఈ నెల 7నుండి 9వ తేది వరకు చిరు తమిళనాట కాంగ్రెసు తరఫున ప్రచారం చేస్తారు. మొదట ఎక్కువ రోజులు ఉంటుందనుకున్న ప్రచారం మూడు రోజులే ఉండటంతో చిరు ప్రచారం కేవలం తెలుగు ప్రజలు ఎక్కువగా ఉండే నియోజకవర్గాలకే పరిమితం కానుంది. ఇక 10వ తారీఖున చిరంజీవి పుదుచ్చేరి ఎన్నికల ప్రచారంలో పాల్గొననున్నారు. అయితే తమిళనాడులోని ఏ ఏ ప్రాంతాల్లో ప్రచారం చేయాలనే నిర్ణయాన్ని టిఎన్‌సిసి నిర్ణయించనుంది.

English summary

PRP president Chiranjeevi will campaign for Conress in Tamilnadu from April 7. He will tour for 3 days only in Tamilnadu. he will campaign for Congress in Puducheri also.