రాజధానిలో పట్టపగలే కత్తులతో పొడిచి హత్య: ప్రేమ వ్యవహారమే కారణం

By Srinivas

Published: Friday, April 8, 2011, 17:09 [IST]

హైదరాబాద్: రాజధాని నగరం హైదరాబాదులో పట్టపగలే హత్య జరిగింది. బుధవారం సంతోష్‌నగర్‌లో ఇర్ఫాన్ అనే వ్యక్తి హత్య జరిగిన మరుసటి రోజే మరో హత్య చోటు చేసుకుంది. దీంతో నగరంలో భయాందోళన చోటు చేసుకుంది. ఇటీవలి కాలంలో రాజధానిలో హత్యలు ఎక్కువ కావడమే కాకుండా పట్టపగలే హత్యకు పూనుకుంటున్నారు. దీంతో ప్రజల్లో భయాందోళన ఏర్పడటంతో పాటు పోలీసులపై ధ్వజమెత్తుతున్నారు.

గురువారం ఉదయం హైదరాబాదులోని కింగ్ కోఠి పరిసర ప్రాంతాల్లో సోహైల్ అనే వ్యక్తిని పలువురు దుండగులు కత్తితో పొడిచారు. దీనిని గమనించిన స్థానికులు సోహైల్‌ను స్థానికంగా ఉన్న కింగ్ కోఠి ఆసుపత్రిలో చేర్పించారు. అయితే సోహైల్ చికిత్స పొందుతూ మరణించాడు. సోహైల్ హత్యకు ప్రేమ వ్యవహారమే కారణమని తెలుస్తోంది. సోహైల్ హత్య సుల్తాన్ బజార్ పోలీసు స్టేషన్‌కు దగ్గరలోనే ఉండటం విశేషం. సోహైల్ విజయనగర్ కాలనీకి చెందిన వ్యక్తి.

Published On April 8, 2011