మీడియా వార్తలపై బాలయ్య మనస్తాపం, వివాదాల్లోకి లాగొద్దని వినతి

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడికి వ్యతిరేకంగా నందమూరి కుటుంబ సభ్యులు రాజకీయం నడుపుతున్నారనే వార్తలపై హీరో బాలకృష్ణ తీవ్ర ఆవేదన వ్యక్తం చేశారు. తెలుగుదేశం పార్టీని బలోపేతం చేసేందుకు తాను శక్తి వంచన లేకుండా కృషి చేస్తానని, తనను అనవసరంగా వివాదాల్లోకి లాగి పార్టీ కార్యకర్తల్లో లేనిపోని సందేహాలు కలుగజేయొద్దని ఆయన అన్నారు. ఈ మేరకు శుక్రవారం ఆయన ఓ ప్రకటన విడుదల చేశారు.

కొద్ది రోజులుగా మీడియాలో వస్తున్న వార్తలు తనకు బాధ కలిగించాయని, తెలుగుదేశం పార్టీకి వ్యతిరేకమైన ఏ కార్యక్రమంలోనూ తాను భాగస్వామిని కాబోనని స్పష్టం చేశారు. టీడీపీకి, తెలుగువారికి సేవ చేస్తూ పార్టీ కార్యకర్తలకు అండగా ఉండడమే తన ఆకాంక్ష అని తెలిపారు.

English summary

Hero Balakrishna condemned the media reports on Telugudesam bickerings. He appealed to media not to involve him in anti TDP activities.