తెలుగుదేశం అంతర్గత వ్యవహారాలపై పురంధేశ్వరి నో కామెంట్

విజయవాడ: తెలుగుదేశం పార్టీలో అంతర్గత తగాదాలు చోటు చేసుకున్నాయనే వార్తలపై మాట్లాడడానికి కేంద్ర మంత్రి, స్వర్గీయ ఎన్టీ రామారావు కూతురు దగ్గుబాటి పురంధేశ్వరిపై నిరాకరించారు. నారా చంద్రబాబు నాయుడికి, నందమూరి కుటుంబ సభ్యులకు మధ్య విభేదాలు చోటు చేసుకున్నాయనే వార్తలను మీడియా ప్రతినిధులు ప్రస్తావించగా, తెలుగుదేశం అంతర్గత వ్యవహారాలపై తాను మాట్లాడబోనని ఆమె శనివారం అన్నారు. అది తెలుగుదేశం పార్టీకి సంబంధించింది కదా అని ఆమె అంటూ వెళ్లిపోయారు.

బంధుత్వం వేరు, రాజకీయాలు వేరని ఆమె చెప్పారు. రాజకీయాల కోసం బంధుత్వాలను ఉపయోగించుకునే సంకుచిత మనస్తత్వం తనది కాదని ఆమె అన్నారు. మీ నాన్నగారు స్థాపించిన పార్టీ కదా అని మీడియా ప్రతినిధులు అంటే కూడా మాట్లాడకుండా వెళ్లిపోయారు. ప్రస్తుత తెలుగుదేశం పార్టీ తన తండ్రి ఎన్టీఆర్ స్థాపించిన పార్టీ కాదని ఆమె ఇటీవల అన్నారు.

English summary

Union Minister and NTR daughter Daggubati Purandeswari rejected to comment on TDP bickerings. She said that it is internal issue of TDP.