నిలకడగా పుట్టపర్తి సత్యసాయిబాబా ఆరోగ్య పరిస్థితి

పుట్టపర్తి: బహుళ అవయవాలు దెబ్బ తినడంతో చికిత్స పొందుతున్న పుట్టపర్తి సత్య సాయిబాబా ఆరోగ్యం నిలకడగా ఉంది. ఆయన ఆరోగ్యం శనివారం ఇంకాస్తా మెరుగునైట్లు, వైద్యానికి స్పందిస్తున్నట్లు వైద్యులు శనివారం చెప్పారు. సత్యసాయిబాబా చికిత్సకు స్పందిస్తున్న తీరు పట్ల వారు సంతృప్తి వ్యక్తం చేశారు. అనారోగ్యంతో సత్యసాయిబాబు గత నెల 28వ తేదీన ప్రశాంతి నిలయంలోని సూపర్ స్పెషాలిటీ ఆస్పత్రిలో చేరారు. సత్యసాయిబాబా ఆరోగ్యంపై ఆస్పత్రి డైరెక్టర్ డాక్టర్ సఫయా శనివారం బులిటెన్ విడుదల చేశారు.

సత్యసాయిబాబా మూత్రపిండాలు బాగుపడుతున్నాయని, ఊపిరితిత్తుల ఇన్‌ఫెక్షన్ కూడా కొంత మేర తగ్గిందని, అయితే ఇంకా వెంటిలేటర్‌పైనే ఉన్నారని సఫాయా చెప్పారు. యాంటీబయాటిక్స్ వాడుతుండడం వల్ల శరీర ఉష్ణోగ్రత కాస్తా ఎక్కువగా ఉందని ఆయన చెప్పారు. సత్యసాయిబాబా ఆరోగ్యం మెరుగు పడాలని భక్తులు పూజలు, భజనలు చేస్తున్నారు.

English summary

Sathya Sai Baba, who is undergoing treatment for multi-organ dysfunction, Saturday continued to show signs of recovery with doctors attending on him expressing satisfaction over his response to treatment.