నాన్నే మాట్లాడుతారు: విభేదాలు లేవని చెప్పని జూ ఎన్టీఆర్

By Srinivas

Published: Sunday, April 10, 2011, 19:04 [IST]

హైదరాబాద్: నారా - నందమూరి కుటుంబాల మధ్య వచ్చిన విభేదాలపై తాను ఏమీ మాట్లాడనని, తన తండ్రి హరికృష్ణ వాటిపై స్పందిస్తారని ప్రముఖ సినీ హీరో జూనియర్ ఎన్టీఆర్ ఆదివారం విలేకరులతో మాట్లాడుతూ చెప్పారు. విభేదాలపై నాకేమీ తెలియదని నాన్నగారు మాట్లాడుతారని చెప్పారు. రాజకీయాల గురించి తానేమీ మాట్లాడ దల్చుకోలేదన్నారు. అయినా వాటిపై తాను స్పందించడానికి ఇది సందర్భము కాదు, వేదిక కాదని చెప్పారు.

కాగా నారా - నందమూరి కుటుంబాల మధ్య విభేదాలు లేవని ఎన్టీఆర్ చెప్పక పోవడం విశేషం. పెళ్లి షాపింగ్ పూర్తయిందని చెప్పారు. పెళ్లికి పట్టుపంచెతో తయారు కావాలని తనకు ఆశగా ఉందని చెప్పారు. అమ్మకు నచ్చినట్టుగా తాను ముస్తాబు అవుతానని చెప్పారు. ప్రణతి ఏ చీరతో వస్తే తనకు అదే ఇష్టమైన కలర్ అని చెప్పారు.

Published On April 10, 2011