సత్యసాయి ఆరోగ్యం నిలకడగా ఉంది, వెంటిలెటర్ కొనసాగిస్తున్నాం : డాక్టర్లు

By Srinivas

Published: Sunday, April 10, 2011, 19:09 [IST]

అనంతపురం: భగవాన్ శ్రీ సత్యసాయి బాబా ఆరోగ్యం నిలకడగానే ఉందని డాక్టర్ నాగేశ్వర్ రెడ్డి, డాక్టర్ రవిరాజ్‌లు ఆదివారం ఉదయం బులెటిన్ విడుదల చేశారు. అయితే బాబాకు కామెర్లు వ్యాధి సోకినట్లు చెప్పారు. దాని వల్ల లివర్ కొంచెం దెబ్బ తిన్నదని చెప్పారు. అందుకు తగిన చికిత్స ప్రారంభించినట్లు వైద్యులు తెలిపారు. బాబా ఆరోగ్యం పరిస్థితి నిలకడగా ఉందని చెప్పారు. వైద్యులు చెప్పిన వివరాల ప్రకారం సత్యసాయి బాబా కళ్లు తెరిచి చూస్తున్నారు. ఇన్ఫెక్షన్ తగ్గింది.బాబా కాలేయం దెబ్బతింది.

రక్తపోటు సాదారణ పరిస్థితులలోనే ఉంది. రక్తపోటు మందుల మోతాదు తగ్గించారు. డయాలసిస్ ఇంకా కొనసాగుతోంది. ఆయన కాలేయం దెబ్బతిన్నదని చెప్పారు. పచ్చకామెర్లు సోకినందున చికిత్స జరుగుతుందన్నారు. బాబా ఆరోగ్యం గురించి భక్తులు ఆందోళన చెందవలసిన అవసరం లేదని ప్రకటించారు.

Published On April 10, 2011