పురంధేశ్వరి సోనియా చేతిలో కీలుబొమ్మ, విచ్ఛిన్నానికి కుట్ర: వర్ల

హైదరాబాద్: కేంద్ర మంత్రి పురందేశ్వరి ఏఐసిసి అధ్యక్షురాలు సోనియాగాంధీ చేతిలో కీలుబొమ్మ అని తెలుగుదేశం పార్టీ సీనియర్ నాయకుడు వర్ల రామయ్య ఆదివారం విమర్శించారు. సోనియా మెప్పు పొందడం కోసం ఆమె ఎలా ఆడిస్తే పురందేశ్వరి అలా ఆడుతుందని ఆరోపించారు. రాష్ట్రంలో బలంగా ఉన్న తెలుగుదేశం పార్టీని విచ్ఛిన్నం చేయడానికి సోనియాగాంధీ కుట్రలో పురందేశ్వరి పావుగా మారిందన్నారు.

పురందేశ్వరి తన పదవి కాపాడుకోవడం కోసం టిడిపిని ముక్కలు చేయాలని చూస్తుందన్నారు. 2014లో సోనియా తన కుమారుడు రాహుల్‌గాంధీని ప్రధాని చేయడం కోసం దేశవ్యాప్తంగా ఇమేజ్ కలిగిన చంద్రబాబు ఆధ్వర్యంలోని టిడిపిని దెబ్బతీయడం ద్వారా రాహుల్‌ని ప్రధానిని చేయవచ్చని భావిస్తుందన్నారు. ఆ కుట్రలో భాగమే టిడిపి విచ్ఛిన్నం లక్ష్యం అన్నారు. ఇందిరా, ఎన్టీఆర్ ఫోటోలు పక్క పక్కన పెట్టుకుని ప్రచారం చేసినప్పుడే ఎన్టీఆర్ చనిపోయారన్నారు.

English summary

TDP senior leader Varla Ramaiah blamed Purandeshwari and AICC president Sonia Gandhi for TDP crisis.