బ్రాహ్మిణి పరిశ్రమని త్వరలో ప్రారంభిస్తా: కర్ణాటక మంత్రి గాలి జనార్ధన్ రెడ్డి

By Pratap

Published: Monday, April 11, 2011, 12:17 [IST]

చిత్తూరు: బ్రాహ్మిణి పరిశ్రమను త్వరలో ప్రారంభిస్తానని కర్ణాటక మంత్రి గాలి జనార్ధన్ రెడ్డి సోమవారం తిరుపతిలో విలేకరులతో మాట్లాడుతూ చెప్పారు. బ్రాహ్మిణి పరిశ్రమపై ఒక్క రూపాయి కూడా ఏ బ్యాంకు నుండి తాను లోను తీసుకోలేదని చెప్పారు. కొందరు అనవసరంగా నాపై దుష్ప్రచారం చేస్తున్నారని అన్నారు. బ్రాహ్మిణిపై లోను తీసుకోలేదు, తీసుకోవాల్సిన అవసరం లేదని చెప్పారు. తనపై చేస్తున్న ఆరోపణలలో ఎలాంటి వాస్తవం లేదన్నారు.

అవినీతి నిరోధానికి భారతీయ జనతా పార్టీ కృషి చేస్తుందన్నారు. అందుకే అన్నాహజారే చేపట్టిన జన్ లోక్‌పాల్ ఉద్యమానికి తాము మద్దతు ప్రకటించామన్నారు. అవినీతిపై ఎవరు పోరాటం చేసిన పార్టీ మద్దతు పలుకుతుందన్నారు. లోక్ పాల్ బిల్లుకు బిజెపి మద్దతు ప్రకటిస్తుందని చెప్పారు.

Published On April 11, 2011