రాజీనామా యోచనలో కొడాలి నాని, ముదురుతున్న వివాదం

By Pratap

Published: Monday, April 11, 2011, 11:40 [IST]

విజయవాడ: కృష్ణా జిల్లా తెలుగుదేశం పార్టీలో సంక్షోభం ముదురుతోంది. గుడివాడ శాసనసభ్యుడు కొడాలి నాని తన శాసనసభా సభ్యత్వానికి రాజీనామా చేసే యోచనలో ఉన్నట్లు తెలుస్తోంది. వల్లభనేని వంశీ పార్టీ విజయవాడ అర్బన్ అధ్యక్ష పదవికి రాజీనామా చేసిన నేపథ్యంలో కొడాలి నాని కూడా రాజీనామా చేయాలని భావిస్తున్నట్లు తెలుస్తోంది. నందమూరి హరికృష్ణను కృష్ణా జిల్లా తెలుగుదేశం పార్టీ అధ్యక్షుడు దేవినేని ఉమా మహేశ్వర రావు అవమానించారంటూ తొలుత బహిరంగ విమర్శించింది కొడాలి నానీయే. ఆ తర్వాతనే వంశీ బయటకు వచ్చారు. కొడాలి నానీ సినీ హీరో జూనియర్ ఎన్టీఆర్‌కు అత్యంత సన్నిహితుడు.

కాగా, వంశీ రాజీనామాను అడ్డుకోవడానికి తెలుగుదేశం పార్టీ కార్యకర్తలు అడ్డుకోవడానికి ప్రయత్నించారు. అయితే, వంశీ వారి మాటలు వినలేదు. తమ పార్టీలో సంక్షోభాలు మామూలేనని, చంద్రబాబు సమస్యను పరిష్కరిస్తారని తెలుగుదేశం పార్టీ సీనియర్ నాయకుడు గద్దె రామ్మోహన్ అన్నారు. చంద్రబాబు రాయబారిగా వచ్చిన బుచ్చయ్య చౌదరి తనతో మాట్లాడారని, కానీ ఉమా మహేశ్వర రావుతో హరికృష్ణకు క్షమాపణలు చెప్పించలేకపోయారని ఆయన అన్నారు. తాను తన రాజీనామా విషయంపై హరికృష్ణతో కూడా మాట్లాడినట్లు ఆయన తెలిపారు. తెలుగుదేశం డ్రామాలో తాము పాత్రధారులం కాదని, తాను కొడాలి నాని కలిసే నడుస్తామని ఆయన చెప్పారు.

Published On April 11, 2011