సత్య సాయిబాబాకు పచ్చ కామెర్ల వ్యాధి తగ్గుముఖం, ఆరోగ్యం మెరుగు

పుట్టపర్తి: పుట్టపర్తి సత్య సాయిబాబాకు సోకిన పచ్చ కామెర్ల వ్యాధి తగ్గు ముఖం పట్టినట్లు ప్రశాంతి నిలయంలోని సూపర్ స్పెషాలిటీ ఆస్పత్రి డైరెక్టర్ డాక్టర్ సఫాయా చెప్పారు. ఆయన సోమవారం సాయంత్రం సత్య సాయిబాబా ఆరోగ్య స్థితిపై బులిటెన్ విడుదల చేశారు. సోమవారం ఉదయం కన్నా ఇప్పుడు సత్య సాయిబాబా ఆరోగ్యం మెరుగ్గా ఉందని ఆయన అన్నారు. సత్యసాయిబాబా ఆరోగ్యం పూర్తిగా మెరుగు పడుతుందని ఆయన ఆశాభావం వ్యక్తం చేశారు.

సత్య సాయిబాబా మూత్ర పిండాలు బాగా పనిచేస్తున్నాయని ఆయన చెప్పారు. అప్పుడప్పుడు మాత్రమే డయాలసిస్ చేస్తున్నట్లు ఆయన తెలిపారు. హృదయ స్పందన, రక్తంపోటు, బ్లడ్ షుగర్ సాధారణ స్థాయిలో ఉన్నాయని ఆయన చెప్పారు. సత్య సాయిబాబా చికిత్సకు బాగా స్పందిస్తున్నట్లు ఆయన తెలిపారు. అయితే, సత్య సాయిబాబాకు ఇంకా వెంటిలేటర్ ద్వారానే కృత్రిమ శ్వాసను అందిస్తున్నట్లు ఆయన చెప్పారు.

English summary

Puttaparthi Sathya Saibaba is still on ventilator. Prashanthi Nilayam super speciality director Dr Safaya said that Sathya Saibaba's health is good.