సత్యసాయి బాబా కిడ్నీల తీరు మెరుగు పడింది: బులెటిన్ విడుదల

By Srinivas

Published: Thursday, April 14, 2011, 9:43 [IST]

అనంతపురం: భగవాన్ శ్రీ సత్యసాయిబాబా ఆరోగ్యం నిలకడగా ఉందని స్విమ్స్ డాక్టర్లు గురువారం బులెటిన్ విడుదల చేశారు. బాబా ఆరోగ్యంపై ఆందోళన అవసరం లేదని చెప్పారు. బాబా చికిత్సకు స్పందిస్తున్నారని చెప్పారు. రోజు రోజుకు ఆయన చికిత్సకు స్పందించే తీరులోనూ మెరుగు కనిపిస్తుందని చెప్పారు. బాబా కిడ్నీల తీరు కూడా మెరుగు పడుతుందని చెప్పారు. బాబాకు ఇప్పటికి వెంటిలెటర్ ద్వారానే శ్వాసను అందిస్తున్నట్లు చెప్పారు. డయాలసిస్ కూడా కొనసాగుతుందన్నారు.

బాబా గుండె చప్పుడు, రక్తపోటు, షుగర్ కూడా నార్మల్‌గా ఉందని చెప్పారు. అయితే బాబా ఆరోగ్యంపై ఉదయం, సాయంత్రం డాక్టర్లు హెల్త్ బులెటిన్ విడుదల చేస్తున్నప్పటికీ భక్తులలో మాత్రం ఆందోళన తగ్గటం లేదు. బాబా ఆరోగ్యం మెరుగు పడినది అని చెప్పిన తర్వాత ఆయనకు సంబంధించిన వీడియోను బయటకు చూపించాలను పలువురు కోరుతున్నారు.

Published On April 14, 2011