వైయస్ జగన్ కోటల్లో కాంగ్రెసు ప్లాన్, రిగ్గింగ్ నిరోధానికి యత్నం
జమ్మలమడుగు, బద్వేలు, కడప శాసనసభా స్థానాల పరిధిలోని స్థానిక నాయకులపై కాంగ్రెసు దృష్టి పెట్టింది. 2009 ఎన్నికల్లో జగన్ విజయానికి సహకరించినవారిని బుజ్జగిస్తోంది. తమ పార్టీ ఏ మాత్రం లేని ప్రాంతాల్లో వైయస్సార్ కాంగ్రెసు పార్టీ, ఇతర పార్టీలు పోలింగ్ అక్రమాలకు పాల్పడకుండా చూసేందుకు తగిన చర్యలు చేపట్టినట్లు కాంగ్రెసు నాయకులు చెబుతున్నారు.
వైయస్ జగన్ కాంగ్రెసు పార్టీ నుంచి తెగదెంపులు చేసుకున్న తర్వాత స్థానిక కాంగ్రెసు నాయకులు ఆయన వైపు వెళ్లారు. దాంతో వారిని తిరిగి కాంగ్రెసులోకి తేవడానికి కాంగ్రెసు పార్టీ నిరంతరాయంగా ప్రయత్నాలు చేస్తోంది. దాంతో కొంత మందిని తన వైపు తిప్పుకోగలిగింది. జమ్మలమడుగు శాసనసభ స్థానానికి జగన్ వర్గానికి చెందిన ఆదినారాయణ రెడ్డి ప్రాతినిధ్యం వహిస్తున్నారు. దాంతో ఈ నియోజకవర్గంలోని చాలా మంది స్థానిక నాయకులను తమ వైపు తిప్పుకోగలిగామని కాంగ్రెసు నాయకులు అంటున్నారు.
Click it and Unblock the Notifications
Sign in with Google