కడప ఉప ఎన్నికల్లో దోపిడి దొంగను ఎన్నుకునే స్థితి‌: లోక్‌సత్తా జెపి

ఒంగోలు: కడప ఉప ఎన్నికలలో దోపిడి దొంగను ఎన్నుకునే పరిస్థితి ప్రజలకు దాపురించిందని లోక్‌సత్తా అధ్యక్షుడు జయప్రకాశ్ నారాయణ ఆదివారం ప్రకాశం జిల్లాలో అన్నారు. రాజకీయ పార్టీలు అన్నీ రాష్ట్రాన్ని నిలువునా దోచుకుంటున్నాయని ఆరోపించారు. పాలనలో దోచుకున్న డబ్బులను మళ్లీ ఎన్నికలలో గెలవడానికి ఖర్చు పెడుతున్నాయని, ఎన్నికల్లో గెలిచి మళ్లీ కోట్లకు కోట్లు సంపాదించుకుంటున్నారని ఆరోపించారు.

దోచుకోవడానికి ఏ రాజకీయ పార్టీ ఇందుకు మినహాయింపు కాదని అన్నారు. కడప పార్లమెంటు, పులివెందుల శాసనసభకు జరుగుతున్న ఉప ఎన్నికల్లో పార్టీలు సుమారు రూ.200 కోట్లను వెదజల్లుతున్నాయని ఆరోపించారు. దోపిడీ దారులను ఎన్నుకోవడం మినహా ప్రజలకు మరో అవకాశం లేకుండా పోయిందన్నారు.

English summary

Loksatta president Jayaprakash Narayana fired at political parties for their attitude in Kadapa by-pole.