సత్యసాయి పాదాల నుండి సుగంధద్రవ్యాలు, తరలి వస్తున్న భక్తులు

By Srinivas

Published: Tuesday, April 19, 2011, 11:37 [IST]

అనంతపురం: జిల్లాలోని పుట్టపర్తి మండలం యనమలపల్లి గ్రామంలో మంగళవారం భగవాన్ శ్రీ సత్యసాయిబాబా పాదాల నుండి నూనె వంటి పదార్థం కారుతుందనే ప్రచారం భక్తులను ఆశ్చర్యానికి పురికొల్పింది. పుట్టపర్తిలో రహీమ్ అనే వ్యక్తి ఐదు నెలల క్రితం ఓ సత్యసాయి విగ్రహాన్ని తయారు చేశారు. దీని బరువు సుమారు 120 కిలోలు ఉంటుంది. అయితే అనుకోకుండా ఈ రోజు ఉదయం తొమ్మిది గంటల ప్రాంతం నుండి బాబా పాదాల వద్ద నుండి సెంటు ద్రవపదార్థంగా కారుతోంది.

బాబా పాదాల చెంత నుండి సెంటు కారుతుండటంతో భక్తులు భారీగా తరలి వచ్చి చూస్తున్నారు. బాబాకు పూజలు చేస్తున్నారు. భజనలు చేస్తున్నారు. బాబా పాదాల నుండి సుగంద ద్రవ్యాలు కారుతుండటంతో భక్తులు బాబా తిరిగి తప్పకుండా తమకు దర్శనం ఇవ్వనున్నారని ఆశాభావం వ్యక్తం చేస్తున్నారు. తాను బావున్నానని చెప్పడానికే బాబా ఇలా సుగంద ద్రవ్యాలు కార్చుతున్నారని అంటున్నారు. నాడు సాయిబాబా గంగాజలాన్ని పాదాల నుండి జాలువారిస్తే నేడు సత్యసాయిబాబా సుగంద ద్రవ్యాలను కార్చి భక్తులకు పుణీతులను చేశారని అంటున్నారు.

Published On April 19, 2011