జగన్ అఫిడవిట్‌పై రసాభాస: టిడిపి ఆందోళన మధ్య ఆమోదించిన అధికారి

కడప: మాజీ పార్లమెంటు సభ్యుడు వైయస్ జగన్మోహన్ రెడ్డి అఫిడవిట్‌పై తెలుగుదేశం పార్టీ మంగళవారం అభ్యంతరాలు వ్యక్తం చేసింది. దీంతో నామినేషన్‌ల పరిశీలనలో కొద్దిగా ఉద్రిక్తత ఏర్పడింది. మంగళవారం నామినేషన్‌ల పరిశీన ఉండటంతో ఎన్నికల సంఘం అధికారులు నామినేషన్లు పరిశీలిస్తున్నారు. ఈ సమయంలో జగన్ నామినేషన్‌పై టిడిపి అభ్యంతరం వ్యక్తం చేసింది. జగన్ నామినేషన్‌ను ఆమోదించవద్దంటూ అధికారులను కోరారు. జగన్ తన ఆస్తులను మొత్తం చూపించకుండా కొన్నింటిని దాచారని వారు ఆరోపించారు. బెంగుళూరు, హైదరాబాదులో ఉన్న కోట్ల రూపాయల ఆస్తులను చూపించలేదని ఆరోపించారు.

టిడిపి ఆరోపణలకు జగన్ వర్గం నేతలు కూడా ప్రతివాదం వినిపించారు. అయితే టిడిపి అందోళనను ఎన్నికల అధికారి తోసి పుచ్చారు. వారి ఆరోపణలు తోసి పుచ్చుతూ జగన్ నామినేషన్ ఆమోదించారు ఎన్నికల రిటర్నింగ్ అధికారు శశిభూషణ్. కాగా పులివెందుల ఉప ఎన్నికలలో వచ్చిన మొత్తం నామినేషన్లలో ఐదు నామినేషన్లు తిరస్కరించారు. అందులో రెండు విజయలక్ష్మి పేరుతో ఉన్న వాటిని తిరస్కరించారు.

English summary

Telugudesam Party leaders raised objection on Ex MP YS Jaganmohan Reddy. But Returning officer Shashi Bushan accepted Jagan's nomination.