మంత్రి డిఎల్ రవీంద్రారెడ్డి ప్రచారాన్ని అడ్డుకున్న జగన్ వర్గం

By Srinivas

Published: Tuesday, April 19, 2011, 14:42 [IST]

కడప: వైద్య, ఆరోగ్య శాఖ మంత్రి, కడప కాంగ్రెసు పార్లమెంటు అభ్యర్థి డిఎల్ రవీంద్రారెడ్డిని మంగళవారం మాజీ పార్లమెంటు సభ్యుడు వైయస్ జగన్మోహన్ రెడ్డి వర్గం కార్యకర్తలు కొందరు అడ్డుకున్నారు. డిఎల్ తమ గ్రామంలో ప్రచారం చేయవద్దని హెచ్చరించారు. కడప జిల్లాలోని పెద్దముడియం మండలం నిమ్మలదిన్నె గ్రామంలో మంత్రి డిఎల్ రవీంద్రారెడ్డి ప్రచారం చేయడానికి వెళ్లారు.

ఆ సమయంలో జగన్ పార్టీ వైయస్ఆర్ కాంగ్రెసు పార్టీకి చెందిన పలువురు డిఎల్ ప్రచారాన్ని మధ్యలోనే అడ్డుకున్నారు. మంత్రి పదవికి రాజీనామా చేయకుండా ప్రచారం ఎలా చేస్తున్నారని ప్రశ్నించారు. కాగా రెండు రోజుల క్రితం డిఎల్ రవీంద్రారెడ్డి, రఘవీరారెడ్డి ప్రచారాన్ని అడ్డుకున్న విషయం తెలిసిందే.

Published On April 19, 2011