జగన్ వర్గం ఎమ్మెల్యేలపై వేటు వేయండి: నాదెండ్లకు భట్టి, కొండ్రు వినతి

By Srinivas

Published: Thursday, April 21, 2011, 15:38 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి వర్గం శాసనసభ్యులపై అనర్హులిగా ప్రకటించాలని కోరుతూ గురువారం ప్రభుత్వ చీప్ విప్ మల్లు భట్టి విక్రమార్క, కొండ్రు మురళిలు ఉప సభాపతి నాదెండ్ల మనోహర్‌ను కలిశారు. వారు మొదట ముఖ్యమంత్రి కిరణ్ కుమార్ రెడ్డిని కలిసి జగన్ వర్గం ఎమ్మెల్యేల అనర్హత వేటు తదితర అంశాలపై చర్చించారు. సిఎంతో చర్చించిన అనంతరం వారు నాదెండ్ల వద్దకు వచ్చి జగన్ వర్గానికి చెందిన వరంగల్ జిల్లా ఎమ్మెల్యే కొండా సురేఖ, కడప జిల్లా ఎమ్మెల్యేలు ఆదినారాయణరెడ్డి, శ్రీకాంత్ రెడ్డి, అమరనాథ్ రెడ్డిలపై అనర్హత వేటు వేయాలని వారు నాదెండ్లకు ఫిర్యాదు చేశారు.

వారిని అనర్హులుగా ప్రకటించడానికి కావాల్సిన పత్రికా కట్టింగులను, వీడియోలను నాదెండ్లకు భట్టి, కొండ్రులు అందించారు. కాగా గురువారమే ఇదే నలుగురికి పిసిసి షోకాజ్ నోటీసులు ఇచ్చిన విషయం తెలిసిందే.

Published On April 21, 2011