వైయస్ జగన్‌కు ఓటమి భయం పట్టుకుంది: పనబాక

ఒంగోలు: మాజీ పార్లమెంటు సభ్యుడు, వైయస్ఆర్ కాంగ్రెసు పార్టీ అధ్యక్షుడు జగన్మోహన్ రెడ్డికి ఓడిపోతాననే భయం పట్టుకుందని కేంద్రమంత్రి పనబాక లక్ష్మి గురువారం ప్రకాశం జిల్లాలో విమర్శించారు. కడప జిల్లాలో కాంగ్రెసు పార్టీని ఎదుర్కొనలేక ప్రజలను తప్పుదోవ పట్టించడానికి జగన్ అసత్య ఆరోపణలకు పూనుకుంటున్నారని ఆరోపించారు. జగన్‌ను ఓటమి భయం పట్టుకున్నందువల్లే తెలుగుదేశం పార్టీ, కాంగ్రెసు పార్టీ మ్యాచ్ ఫిక్సింగులకు పాల్పడిందంటూ ఆరోపణలు చేస్తున్నారని ధ్వజమెత్తారు.

కాంగ్రెసు పార్టీ మహా సముద్రం వంటిది అని చెప్పారు. ఇలాంటి పెద్ద పార్టీలోకి జగన్ వంటి వారు వస్తుంటారు వెళుతుంటారని కానీ పార్టీ మాత్రం ఎప్పటికీ ఉంటుందని చెప్పారు. అయినా పిల్లకాకికేం తెలుసు ఉండేలు దెబ్బ అని జగన్‌ను ఉద్దేశించి అన్నారు. కడప, పులివెందుల నుండి ఏఐసిసి అధ్యక్షురాలు సోనియాగాంధీ, ఏఐసిసి ప్రధాన కార్యదర్శి రాహుల్ గాంధీలు పోటీ చేసినా ఓడిపోతారని చెప్పడం అవివేకం అన్నారు.

English summary

Central minster Panabaka Laxmi blamed Ex MP YS Jaganmohan Reddy today. She condemned Congress and TDP match fixing. She said Congress is a sea.