హైటెక్ సిటీలో నకిలీ పోలీసులు అరెస్టు: మరో ముగ్గురి కోసం వేట

హైదరాబాద్: హైటెక్ సిటీ హైదరాబాదులో నకిలీ పోలీసులను వెస్టు మారెడ్‌పల్లి పోలీసులు గురువారం అరెస్టు చేశారు. పోలీసులమని చెప్పి ప్రజలను దోచుకుంటున్న ముగ్గురు పోలీసులను అరెస్టు చేశారు. వీరితో పాటు వీరి గ్యాంగులో మరో ముగ్గురు ఉన్నారని తెలుసుకున్న పోలీసులు ఆ ముగ్గురు కోసం వేట మొదలు పెట్టారు. కర్ణాటక, మహారాష్ట్ర నుండి వచ్చిన పలువురు నకిలీ పోలీసుల అవతారం ఎత్తి ప్రజల నుండి భారీగా దోచుకుంటున్నారు.

ఒంటరిగా వెళ్లే మగవారిని, స్త్రీల వద్దకు వెళ్లి తాము పోలీసులమని చెప్పి వారి వద్ద నుండి సొమ్ము, డబ్బులు దోచుకునేవారు. ఈ తతంగం గత కొన్ని రోజులుగా జరుగుతోంది. అయితే దీనిని గమనించిన పోలీసులు ఎట్టకేలకు గురువారం పట్టుకున్నారు. వీరిని పట్టుకోవడం వల్ల 25 కేసుల వ్యవహారం ఓ కొలిక్కి వచ్చిందంట. వీరి వద్దనుండి పోలీసులు భారీగా రికవరీ చేశారు.

English summary

West Maredpally arrested today three pseudo police today. Police recovered theft items from them.