'2014 వరకు తెలంగాణ అంశాన్ని కాంగ్రెసు పార్టీ నాన్చుతుంది'

హైదరాబాద్: కాంగ్రెసు పార్టీ ప్రత్యేక తెలంగాణ రాష్ట్ర అంశాన్ని 2014 వరకు నాన్చేందుకు ప్రయత్నాలు చేస్తుందని భారతీయ జనతా పార్టీ రాష్ట్ర మాజీ అధ్యక్షులు బండారు దత్తాత్రేయ శుక్రవారం విమర్శించారు. తెలంగాణపై కేంద్రం వెంటనే నిర్ణయం తీసుకోవాలని ఆయన డిమాండ్ చేశారు. శుక్రవారం 177 చట్టంపై వివిధ పార్టీల నేతలు టిఎన్‌జివో భవన్‌లో సమావేశం అయ్యారు. తెలంగాణ రాష్ట్ర సమితి నుండి హరీష్ రావు, తెలుగుదేశం నుండి ఎర్రబెల్లి దయాకరరావు, నాగం జనార్ధన్ రెడ్డి, కాంగ్రెసు నుండి ఆమోస్ తదితరులు హాజరయ్యారు. ఈ సందర్భంగా వారు 177 చట్టాన్ని వెంటనే వెనక్కి తీసుకోవాలని డిమాండ్ చేశారు.

ఉద్యోగుల స్వతంత్రాన్ని దెబ్బతీసే చట్టాన్ని రద్దు చేసే వరకు పోరాటం కొనసాగుతుందని ఎమ్మెల్యే హరీష్ రావు అన్నారు. కేసులు పెట్టవలసింది ఉద్యోగులపై, విద్యార్థులపై కాదన్నారు. ప్రభుత్వ పెద్దలపైనే మొదట కేసులు పెట్టాలని ఆయన డిమాండ్ చేశారు.

English summary

BJP senior leader Bandaru Dattatreya delaying about seperate Telangana. Today Party leaders met at TNGO Bhavan on 177 GO. They demanded government to withdraw GO.