బాబాలో మార్పు తీసుకు రావడానికి డాక్టర్లు ప్రయత్నిస్తున్నారు: డా.సఫయా

By Srinivas

Published: Friday, April 22, 2011, 10:37 [IST]

అనంతపురం: భగవాన్ శ్రీ సత్యసాయిబాబా ఆరోగ్యంపై సిమ్స్ డాక్టర్లు గురువారం ఓ బులెటిన్ విడుదల చేశారు. బాబాకు సిఆర్ఆర్టీ ద్వారా ఇంకా డయాలసిస్ కొనసాగుతుందని సిమ్స్ డాక్టర్ సఫయా చెప్పారు. బాబా ముఖ్య అవయవాల స్పందన అంతంత మాత్రంగానే ఉందని చెప్పారు. గురువారానికి ఈ రోజుకు బాబా ఆరోగ్య స్థితిలో ఎలాంటి మార్పు లేదని చెప్పారు. బాబా ఆరోగ్యాన్ని సాధారణ స్థితికి తీసుకు రావడానికి అందరు డాక్టర్లు తీవ్రంగా కృషి చేస్తున్నారని చెప్పారు. బాబా యొక్క గుండె స్పందన, రక్తపోటు తగ్గుతోందని చెప్పారు. బాబా పరిస్థితి విషమంగానే ఉందని చెప్పారు.

కాగా బాబా పరిస్థితి విషమంగా ఉందని తెలియడంతో బాబా భక్తులు భారీగా పుట్టపర్తికి తరలి వచ్చిన విషయం తెలిసిందే. విదేశీయులు కూడా భారీగానే తరలి వచ్చారు. దీంతో అప్రమత్తమైన పోలీసు శాఖ విదేశీయులు ఎవరూ పుట్టపర్తి రావద్దని గురువారమే కోరారు. దేశీయులు బెంగుళూరులోనే ఉండాలని కోరారు. అయినా వారి రాక ఆగడం లేదు.

Published On April 22, 2011