• search
  • Live TV
కడప వార్తల కోసం
నోటిఫికేషన్స్ పై క్లిక్ చేయండి  

బిజెపితో పొత్తుకు వైయస్ జగన్ రెడీ, ప్రకటన వెల్లడిస్తున్న నిజం?

By Pratap
|

YS Jagan
కడప: వైయస్సార్ కాంగ్రెసు పార్టీ నాయకుడు వైయస్ జగన్ బిజెపితో పొత్తు పెట్టుకుంటారనే ప్రచారంలో అబద్ధం లేదని తెలుస్తోంది. వైయస్ జగన్ బుధవారం కడపలోని ప్రొద్దుటూరులో మైనారిటీలతో జరిపిన సమావేశంలో చేసిన ప్రకటన ఆ విషయాన్ని తెలియజేస్తోంది. వైయస్ జగన్ జాతీయ స్థాయిలో బిజెపికి అనుకూలంగా ఉండాలనే ఉద్దేశంతోనే ఉన్నట్లు చెబుతున్నారు. తాను బిజెపితో పొత్తు పెట్టుకునే ప్రసక్తి లేదని అంటూనే ఒక వేళ జాతీయ స్థాయిలో కలిసి పనిచేయాల్సి వస్తే ముస్లింలకు పది శాతం రిజర్వేషన్లు డిమాండ్ చేస్తానని చెప్పారు. దీన్ని బట్టి బిజెపితో పొత్తు పెట్టుకోవడానికి జగన్ వెనకాడే ప్రసక్తి లేదని, భవిష్యత్తులో తాను బిజెపితో పెట్టుకోవాల్సి వస్తే ఈ ప్రకటనతో సమర్థించుకోవచ్చునని ఆయన భావిస్తున్నట్లు చెబుతున్నారు.

వైయస్ జగన్‌తో బిజెపి కలిసి పనిచేస్తోందని, రాష్ట్రంలో పాగా వేయడానికి బిజెపి వైయస్ జగన్‌ను వాడుకుంటుందని ఇటీవల ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ అన్నారు. డి. శ్రీనివాస్ ప్రకటనను వైయస్సార్ కాంగ్రెసు నాయకులు ఖండించారు. తాను బిజెపితో పొత్తు పెట్టుకునే ప్రసక్తి లేదని జగన్ ప్రకటించారు. కానీ బుధవారంనాటి ప్రకటన అసలు విషయాన్ని బయటపెడుతోందని, జగన్ బిజెపితో కలిసి పనిచేస్తారని అంటున్నారు. పైగా, కర్ణాటక మంత్రి, బిజెపి నేత గాలి జనార్దన్ రెడ్డి వైయస్ జగన్‌కు అత్యంత సన్నిహితులు, వ్యాపార భాగస్వామి కూడా.

English summary
It is learnt that YSR Congress leader YS Jagan is not averse to make alliance with BJP. His statement today on BJP revealed his intention, it is said.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X