జగన్‌ వి ఫ్యాక్షన్ రాజకీయాలు, పులివెందులలో రౌడీరాజ్యం: గోరంట్ల

By Srinivas

Published: Thursday, April 28, 2011, 17:32 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి కడప, పులివెందులల ఫ్యాక్షన్ పాలిటిక్స్ నడుపుతున్నారని తెలుగుదేశం పార్టీ కృష్ణా జిల్లా ఇంఛార్జ్ గోరంట్ల బుచ్చయ్య చౌదరి గురువారం ఆరోపించారు. పులివెందులలో రౌడీల రాజ్యం నడుస్తుందని అన్నారు. ఓటర్లు స్వతంత్రగా ఓటు వేయలేక పోతున్నారన్నారు. రౌడీ రాజకీయాల కారణంగా ఓటర్లు భయంతో ఓటు వేయడానికి కూడా రాలేక పోతున్నారని అన్నారు. జగన్ బిజెపితో పొత్తు పెట్టుకోవడం ఖాయమని ఆయన అభిప్రాయం వ్యక్తం చేశారు.

భారీ అవినీతికి పాల్పడిన తనను కాంగ్రెసు పార్టీ మరో రాజాగా చేస్తుందని భావించే జగన్ కాంగ్రెసు పార్టీని వీడి బిజెపి చెంతకు చేరుతున్నారని ఆరోపించారు. జగన్‌తో కుదిరిన ఒప్పందం వల్లనే బిజెపి కడప, పులివెందులల పోటీ చేయడం లేదని ఆరోపించారు. కడప జిల్లాకు దివంగత ముఖ్యమంత్రి వైయస్ రాజశేఖరరెడ్డి చేసిందేమీ లేదన్నారు. వైయస్ అధికారంలో ఉన్నప్పుడు వారి బంధువులే లాభపడ్డారని విమర్శించారు.

Published On April 28, 2011