దొడ్డ మలూర్‌లో ప్రేమ సాయిగా పుట్టపర్తి సత్య సాయి బాబా అవతారం

బెంగళూరు: పుట్టపర్తి సత్య సాయిబాబా కర్ణాటకలోని మాండ్యా జిల్లా దొడ్డమలూర్ గ్రామంలో ప్రేమ సాయిగా అవతరిస్తారని నమ్ముతున్నారు. ఈ చిన్నపాటి గ్రామం బెంగళూర్ - మైసూర్ రహదారి పక్కన ఉంటుంది. పుట్టపర్తి సత్య సాయి బాబా భక్తుడు శ్రీ సత్య సాయి - ఆనందసాయి అనే శీర్షికతో రాసిన పుస్తకంలో ప్రేమ సాయి అవతారం ఇక్కడే జరుగుతుందని చెప్పాడని గ్రామస్థులు విశ్వసిస్తున్నట్లు వార్తలు వస్తున్నాయి. కలియుగంలో తాను మూడు అవతారాలు ఎత్తుతానని, తాను షిర్డీ సాయి బాబా అవతారాన్ని అని, మూడో అవతారం ప్రేమసాయిగా ఈ గ్రామంలో జరుగుతుందని దొడ్డమలూర్ గ్రామాన్ని సందర్శించినప్పుడు సత్యసాయి బాబా తనకు చెప్పినట్లు ఆ భక్తుడు రాశాడు. తాను చిన్న ఇంటిలో జన్మిస్తానని 1960 దశకంలో గ్రామాన్ని సందర్శించినప్పుడు చెప్పారని తెలిపాడు.

కాగా, గ్రామంలో ఎవరు బాబా అవతారంగా చెప్పుకుంటారా అనే అయోమయం గ్రామంలో నెలకొన్నట్లు వార్తలు వచ్చాయి. సత్య సాయిబాబా అంచనా ప్రకారం ప్రేమ సాయి ఈ గ్రామంలో 2023లో పుడతాడని కృష్ణా చారిటబుల్ ట్రస్టు నడుపుతున్న రామదాసు అనే వ్యక్తి చెప్పినట్లు ఓ ఆంగ్ల దినపత్రిక రాసింది. తన వ్యక్తిగత సహాయకుడు నారాయణ్ కస్తూరి స్త్రీగా జన్మిస్తాడని, భద్రావతి నది సమీపంలోని ఆ గ్రామంలో జన్మించిన స్త్రీ గ్రామానికి చెందిన పురుషుడిని వివాహం చేసుకుని ప్రేమసాయికి జన్మ ఇస్తుందని సత్య సాయి చెప్పినట్లు ఆయన తెలిపారు.

English summary

Will the reincarnation be reality or not? Whatever happens, the tiny village of Doddamalur, off the Bangalore-Mysore highway, will definitely be in the news in the coming years, with scores of stories doing the rounds here over the reincarnation of Sathya Sai Baba as Prema Sai.