భాను కిరణ్ దొరికితే సూరి హత్య కేసులో పూర్తి స్థాయి చార్జిషీట్

By Pratap

Published: Friday, April 29, 2011, 17:59 [IST]

హైదరాబాద్: ప్రధాన నిందితుడు భాను కిరణ్ దొరికిన తర్వాత మద్దెలచెర్వు సూరి హత్య కేసులో పూర్తి స్థాయి చార్జిషీట్‌ను దాఖలు చేస్తామని పోలీసులు చెప్పారు. సూరి హత్య కేసులో పోలీసులు హైదరాబాదులోని నాంపల్లి కోర్టులో శుక్రవారం ప్రాథమిక చార్జిషీట్‌ను దాఖలు చేశారు. సూరి హత్య కేసులో ఐదుగురిని నిందితులుగా చేరుస్తూ ఆ చార్జిషీట్ దాఖలు చేశారు. సూరి హత్య కేసులో ప్రధాన నిందితుడిగా భాను కిరణ్ పేరును చేర్చారు.

సుబ్బయ్య, మన్మోహన్‌లతో పాటు ఐదుగురిని సూరి హత్య కేసులో నిందితులుగా చేర్చారు. సూరి హత్య జరిగి వంద రోజులు పూర్తయ్యాయి. ఈ స్థితిలో పోలీసులు చార్జిషీట్ దాఖలు చేశారు. భాను కిరణ్ ఇప్పటి వరకు పరారీలోనే ఉన్నాడు. అతన్ని పట్టుకోవడానికి పోలీసు బృందాలను ఏర్పాటు చేసినా ఫలితం లేకపోయింది.

Published On April 29, 2011