వైయస్ జగన్ తనది హీరోయిజం అనుకుంటున్నారు: పాలడుగు వెంకట్రావు

By Srinivas

Published: Monday, May 2, 2011, 16:37 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి ప్రజారాజ్యం పార్టీ అధ్యక్షుడు చిరంజీవి ముందు చాలా చిన్నవాడని కాంగ్రెసు పార్టీ సీనియర్ నాయకుడు, ఎమ్మెల్సీ పాలడుగు వెంకట్రావు సోమవారం అన్నారు. చిరంజీవికి ఉన్న ప్రజాధరణ ముందు జగన్ చాలా చిన్నవాడన్నారు. జగన్‌ను చూస్తుంటే రాజకీయ పరిజ్ఞానం ఉన్న వ్యక్తిలా కనిపించడం లేదన్నారు. కార్యకర్తలతో రాళ్లతో, రప్పలతో దాడి చేయించడం హీరోయిజం అనుకుంటున్నాడని ఎద్దేవా చేశారు.

జగన్ చేస్తున్న దౌర్జన్యాన్ని కాంగ్రెసు పార్టీ ఎప్పుడూ క్షమించదని అన్నారు. జగన్ అసలు ఎంపీ అభ్యర్థిగా పనికి రాడని అన్నారు. జగన్ వ్యవహార శైలి వల్ల కడపకు, కడప ప్రజలకు చెడ్డ పేరు వస్తుందన్నారు. జగన్ అరాచకాలకు ఇప్పటికైనా అడ్డుకట్ట వేయాల్సిన అవసరం ఉందని ఆయన అభిప్రాయపడ్డారు.

Published On May 2, 2011