లాడెన్ను మేమే మట్టుబెట్టాం, మా దేశాన్ని కాపాడుకోవడానికే: ఒబామా
లాడెన్ కోసం తమ సైన్యం పదేళ్లుగా పోరాటం చేస్తోందని, ఏడాది క్రితం లాడెన్ కదలికలపై తమకు సహకారం అందిందని, వారం రోజులుగా లాడెన్ కోసం విస్తృతంగా గాలించామని ఆయన చెప్పారు. తనకు సమాచారం అందించి లాడెన్ను మట్టుబెట్టారని ఆయన చెప్పారు. తమ దేశంపై కన్నేస్తే సహించేది లేదని, తాము ఏదైనా అనుకుంటే సాధించి తీరుతామని ఆయన అన్నారు. తాము ఇస్లాంకు వ్యతిరేకం కాదని, ఉగ్రవాదానికి మాత్రమే వ్యతిరేకమని ఆయన చెప్పారు. లాడెన్ను మట్టుబెట్టడం ఓ చారిత్రక విజయమని ఆయన అన్నారు.
లాడెన్ మృతితో అమెరికాలో సంబరాలు జరుగుతున్నాయి. ప్రజలు పెద్ద యెత్తున శ్వేత సౌధం ముందు గుమికూడి తమ ఆనందాన్ని వ్యక్తం చేస్తున్నారు. లాడెన్ మృతదేహం తమ సైన్యం వద్దనే ఉందని ఒబామా చెప్పారు. అమాయకులైన అమెరికన్లను లాడెన్ చంపాడని ఆయన అన్నారు.
Click it and Unblock the Notifications
Sign in with Google