కిరణ్‌ను సిఎంగా తొలగించడం ఖాయం, ముందే రాజీనామా మంచిది: అంబటి

హైదరాబాద్: ముఖ్యమంత్రి నల్లారి కిరణ్ కుమార్ రెడ్డి ముందుగానే రాజీనామా చేస్తే మంచిదని వైయస్ఆర్ కాంగ్రెసు పార్టీ సీనియర్ నాయకుడు అంబటి రాంబాబు మంగళవారం విలేకరులతో మాట్లాడుతూ చెప్పారు. మే 8వ తేదిన జరుగుతున్న కడప పార్లమెంటు, పులివెందుల అసెంబ్లీ నియోజకవర్గాలలో ఎలాగూ మాజీ పార్లమెంటు సభ్యుడు వైయస్ జగన్మోహన్ రెడ్డి ఎంపీగా, విజయమ్మ పులివెందుల నుండి ఎమ్మెల్యేగా గెలుస్తుందని, ఆ తర్వాత ఎలాగు ఏఐసిసి అధ్యక్షురాలు సోనియాగాంధీ ముఖ్యమంత్రి కిరణ్ కుమార్ రెడ్డిని తొలగిస్తుందని చెప్పారు.

అయితే కిరణ్ కుమార్ తన పరువును కాపాడుకోవడానికి సోనియా తీసేసే కంటే ముందుగానే రాజీనామా చేస్తే మంచిది అని సూచించారు. కడప ఉప ఎన్నికల్లో ప్రచారం చేస్తున్న 16 మంది మంత్రులు, ఎమ్మెల్యేలు జగన్ గెలిస్తే కడప నుండి వెళ్లిపోతారా లేదా రాజీనామా చేస్తారా నిర్ణయించుకోవాలని సవాల్ చేశారు.

English summary

YSR Congress party senior leader Ambati Rambabu suggested CM Kiran Kumar Reddy that to resign as soon as possible early. He said after Kadapa election AICC president Sonia Gandhi will remove Kiran Kumar Reddy.