మద్దతు లేకుండా పాకిస్తాన్‌లో లాడెన్ ఎలా ఉండగలిగాడు?

వాషింగ్టన్: ఏ విధమైన మద్దతు లేకుండా పాకిస్తాన్‌లో ఆల్ ఖైదా వ్యవస్థాపకుడు ఒసామా బిన్ లాడెన్ ఎలా ఉండగలిగాడనేది అమెరికాకు మింగుడు పడడం లేదు. పాకిస్తాన్‌లో అంత సుదీర్ఘకాలం లాడెన్ ఎలా ఉండగలిగాడనే విషయం తెలుసుకోవడానికి అమెరికా పాలనా యంత్రాంగం దర్యాప్తు చేపట్టింది. లాడెన్‌కు ఏ విధమైన సహకారం లభించిందనే విషయంపై మాట్లాడడానికి ఉగ్రవాద నిరోధక చీఫ్ జాన్ బ్రెన్నన్ నిరాకరించారు. ఉగ్రవాదులకు అధికారుల సహాయం అందుతుందనే విషయాన్ని మాత్రం ఆయన నిరాకరించలేదు.

పాకిస్తాన్‌లో లాడెన్ ఎలా తలదాచుకోగలిగడానేది అర్థం కాకుండా ఉందని ఆయన శ్వేతసౌధంలో మీడియా ప్రతినిధులతో అన్నారు. పాకిస్తాన్ రాజధాని ఇస్లామాబాద్‌కు 120 కిలోమీటర్ల దూరంలో గల అబ్బొతాబాద్‌లో అమెరికా బలగాలు లాడెన్‌ను హతమార్చాయి. పాకిస్తాన్‌లో తలదాచుకోవడానికి లాడెన్‌కు అందిన సహాయ వ్యవస్థపై తాము దృష్టి పెట్టామని చెప్పారు.

English summary

The US Tuesday said it was "inconceivable" that Osama bin Laden had no support system inside Pakistan and the American administration is investigating how the al Qaeda chief was able to hold on in the country for so long.