దాడి జరిగినప్పుడు ఒసామా బిన్ లాడెన్ భార్య వెనక నక్కాడు

వాషింగ్టన్: అమెరికా దాడి చేసినప్పుడు పాకిస్తాన్‌లోని అబ్బొతాబాద్‌లోని విలువైన భవనంలో ప్రపంచ ఉగ్రవాది ఒసామా బిన్ లాడెన్ తన భార్య వెనక దాక్కున్నాడు. అమెరికా ప్రత్యేక బలగాలు దాడి చేసినప్పుడు స్త్రీని కవచంగా వాడుకున్నాడని ఉగ్రవాద నిరోధక శ్వేతసౌధం సలహాదారు జాన్ బ్రెన్నన్ చెప్పారు. దాడులకు పురమాయించే లాడెన్ ఒక మహిళను కవచంగా వాడుకోవడాన్ని చూస్తే లాడెన్ ఏమిటో అర్థమవుతుందని ఆయన అన్నారు. దాన్ని బట్టి లాడెన్ గురించి ఎంతగా అవాస్తవం ప్రచారం జరుగుతోందని అర్థం చేసుకోవచ్చునని ఆయన అన్నారు.

లాడెన్‌కు కవచంగా ఉన్న స్త్రీ, బహుశా ఆయన భార్య, కుమారుడు ఖలీద్ అమెరికా దాడిలో మరణించినట్లు ఆయన తెలిపారు. అసలు వాస్తవంగా ఏం జరిగిందనే విషయంపై తనకు ఇంకా నివేదిక అందాల్సి ఉందని ఆయన అన్నారు. ఆమె లాడెన్‌కు కవచంగా నిలిచి కాపాడడానికి ప్రయత్నించిందని ఆయన అన్నారు.

English summary

Al Qaeda chief Osama bin Laden, who ordered several terror attacks, used a woman, believed to be his wife, as a shield when US special forces raided the one million dollar house in Pakistans Abbottabad where he was hiding, the White House has said.