లాడెన్ బూటకపు ఫొటో సృష్టి పాక్ ఎలక్ట్రానిక్ మీడియా పనే

ఇస్లామాబాద్: ఆల్ ఖైదా వ్యవస్థాపకుడు ఒసామా బిన్ లాడెన్ బూటకపు మృతదేహం చిత్రాలను పాకిస్తాన్ ఎలక్ట్రానిక్ మీడియా సృష్టించింది. అమెరికా లాడెన్ చిత్రాలను విడుదల చేయలేదు. తప్పుడు ఫొటోను సృష్టించి ప్రసారం చేసినందుకు పాకిస్తాన్ మీడియా క్షమాపణలు చెప్పి, ఆ ఫొటో ప్రసారాలను నిలిపేసింది. లాడెన్ మృతిపై అనుమానాలను నివృత్తి చేయడానికి లాడెన్ శవం ఫొటోలను విడుదల చేయాలా, వద్దా అనే విషయంపై ఆలోచన చేస్తున్నట్లు శ్వేత సౌధం ఉగ్రవాద నిరోధక జాతీయ భద్రతా డిప్యూటీ సలహాదారు జాన్ బ్రెనన్ చెప్పారు.

తమకు లాడెన్ దొరికాడనే విషయాన్ని ఎవరూ ఖండించకుండా ఉండడానికి అవసరమైన చర్యలన్నీ తీసుకుంటున్నామని ఆయన చెప్పారు. లాడెన్‌కు సంబంధించిన సమాచారంతో పాటు ఫొటోలను చేర్చాలా, వద్దా అనే విషయంపై నిర్ణయం తీసుకోవాల్సి ఉందని ఆయన చెప్పారు.

English summary

The White House Tuesday said that it was weighing whether to release pictures of Osama bin Ladens corpse to put at rest speculations and disbelief in some quarters about the death of worlds most wanted fugitive.