ఇకపై కిరణ్ ప్రభుత్వానికి దినదిన గండమే: అంబటి రాంబాబు

హైదరాబాద్: పులివెందుల, కడప ఉప ఎన్నికల ఫలితాల తర్వాత కాంగ్రెసు ప్రభుత్వానికి దినదిన గండమే అని వైయస్ఆర్ కాంగ్రెసు పార్టీ నేత అంబటి రాంబాబు సోమవారం హెచ్చరించారు. ఇక రాష్ట్ర రాజకీయాల్లో పెనుమార్పులు చోటు చేసుకుంటాయని అన్నారు. రెండు నియోజకవర్గాలలో విజయమ్మ, మాజీ పార్లమెంటు సభ్యుడు వైయస్ జగన్మోహన్ రెడ్డికి అద్బుతమైన ఆధిక్యత వస్తుందని అన్నారు. జగన్‌కు రెండు లక్షల మెజార్టీ ఖాయమన్నారు. మంత్రి డిఎల్ రవీంద్రారెడ్డి తన ఆస్తులను వెంకన్నకు సమర్పించేందుకు సిద్ధంగా ఉండాలని అన్నారు.

కాంగ్రెసు, టిడిపిలకు దరావత్తు కూడా రాదన్నారు. ఉప ఎన్నికల తీరుపై వైయస్ఆర్ కాంగ్రెసు పార్టీపై తెలుగుదేశం పార్టీ నీతిమాలిన ఆరోపణలు చేస్తుందని అన్నారు. ఉప ఎన్నికలలో జగన్ గెలుపు ఖాయమని తెలిసే టిడిపి, కాంగ్రెసులు నిరాధార ఆరోపణలు చేస్తున్నాయన్నారు.

English summary

YSR congress party leader Ambati Rambabu warned CM Kiran Kumar government today. He said Jagan will get super majority. He suggested minister DL Ravindra Reddy ready to give his property lord Venkateswara.