26/11 ముంబై దాడుల వెనక పాకిస్తాన్ ఐఎస్ఐ హస్తం ఉంది : అమెరికా

న్యూఢిల్లీ: 26/11 ముంబై ఉగ్రవాద దాడుల్లో పాకిస్తాన్ ఇంటర్ సర్వీస్ ఇంటలిజెన్స్ (ఐఎస్ఐ) పాత్ర ఉన్నట్లు అమెరికా ధ్రువీకరించింది. ఈ దాడుల వెనక ఐదుగురు ఉగ్రవాదుల పేర్లను అమెరికా వెల్లడించింది. ఆ అయిదుగురులో పాకిస్తాన్ అధికారి ఒకతను ఉన్నాడు. తహవ్వూర్ రాణా కేసులో చికాగో కోర్టులో దాఖలు చేసిన రెండో చార్జిషీట్‌లో అమెరికా ఆ ఐదుగురి పేర్లను వెల్లడించింది. సయ్యద్ మీర్, అబూ ఖాఫా, మజర్ ఇక్బాల్, లష్కరే తోయిబా సభ్యుడు డి, మేజర్ ఇక్బాల్ ముంబై దాడుల వెనక ఉన్నట్లు తెలిపింది.

ఐదుగురిలో మేజర్ ఇక్బాల్ ఐఎస్ఐ అధికారి. మేజర్ ఇక్బాల్ ఐఎస్ఐ తరఫున పనిచేస్తున్నాడని ఇండియా మొదటి నుంచి వాదిస్తూనే ఉన్నది. ముంబై దాడుల్లో పాత్ర ఉన్న హెడ్లీకి మేజర్ ఇక్బాల్ సహాయకుడిగా పనిచేశాడని తెలిపింది. ముంబై దాడుల వెనక ఐఎస్ఐ పాత్ర ఉందని, పాకిస్తాన్‌లోనే ముంబైలో దాడులకు కుట్ర జరిగిందని భారత్ చెబుతూ వస్తోంది.

English summary

Proving India’s oft repeated contention that Pakistan’s ISI was behind the Mumbai terror attacks, the US government, Monday, named five terrorists including one officer of the spy agency as being involved in the 26/11 attacks.