నాగం దెబ్బకు దిగొచ్చిన చంద్రబాబు: నగారా సభకు గ్రీన్ సిగ్నల్

హైదరాబాద్: తెలుగుదేశం పార్టీ శాసనసభ్యుడు నాగం జనార్ధన్ రెడ్డి వైఖరికి ఎట్టకేలకు తెలుగుదేశం పార్టీ అధినేత నారా చంద్రబాబునాయుడు దిగొచ్చారు. మహబూబ్‌నగర్‌లో నాగం జనార్ధన్ రెడ్డి ఆధ్వర్యంలో సోమవారం నిర్వహిస్తున్న తెలంగాణ నగారా సభకు చంద్రబాబునాయుడు ఎట్టకేలకు అనుమతి ఇచ్చారు. అయితే ఆయన నాగంతో మాట్లాడి నాగంకు అనుమతి ఇవ్వడం కాకుండా నాగం సభకు వెళతానని చెప్పిన నాగర్ కర్నూల్ పార్లమెంటు పరిధిలోని వనపర్తి, అచ్చంపేట, కల్వకుర్తి తెలుగుదేశం పార్టీ ఎమ్మెల్యేలకు నాగం సభకు వెళ్లేందుకు అనుమతించారు.

దీంతో తెలంగాణ నగారా సభకు ఆయా శాసనసభ్యులు తమ అనుచర వర్గంతో భారీగా సభకు తరలి రానున్నారని సమాచారం. చంద్రబాబు నాగం సభను ఇన్నాళ్లూ వ్యతిరేకిస్తూ వచ్చారు. నాగం ఒంటెత్తు పోకడలకు వెళుతున్నారని ఆయనపై చర్యలు తీసుకోవాలని కూడా చంద్రబాబుకు ఫిర్యాదులు వచ్చాయి. అయితే తెలంగాణ సెంటిమెంట్ బలంగా ఉన్న నేపథ్యంలో నాగంపై చర్యలు తీసుకోలేని పరిస్థితిలో బాబు ఉండిపోయారు. అయితే సభకు మాత్రం ససేమీరా అన్న బాబు ఏకంగా తన ఎమ్మెల్యేలు వెళ్లడానికే అనుమతించడం విశేషం.

English summary

Telugudesam party president Chandrababu Naidu aggressor party MLAs to go MLA Nagam Janardhan Reddy Telangana Nagara public meeting.