నాగం సభకు చంద్రబాబు అనుమతి, సమన్వయ కమిటీ ఏర్పాటు: ఎర్రబెల్లి

హైదరాబాద్: తెలుగుదేశం పార్టీ సీనియర్ శాసనసభ్యుడు నాగం జనార్ధన్ రెడ్డి నాగర్‌కర్నూల్‌లో నిర్వహిస్తున్న తెలంగాణ నగారాకు తెలుగుదేశం పార్టీ అధ్యక్షుడు నారా చంద్రబాబునాయుడు అనుమతి ఉందని మరో ఎమ్మెల్యే ఎర్రబెల్లి దయాకరరావు సోమవారం విలేకరులతో మాట్లాడుతూ చెప్పారు. ఎర్రబెల్లి మరికొందరు తెలంగాణ ప్రజాప్రతినిధులు చంద్రబాబుతో భేటీ అయిన తర్వాత విలేకరులతో మాట్లాడారు. తెలంగాణ ప్రజాప్రతినిధులం మరోసారి చంద్రబాబుతే మంగళవారం భేటీ అయి తెలంగాణ పోరాట సమితి లేదా తెలంగాణ సమన్వయ కమిటీని ఏర్పాటు చేస్తామని చెప్పారు. ఆ కమిటీ ఆధ్వర్యంలో తెలంగాణ కోసం పోరాటం ఉద్యమిస్తామని చెప్పారు.

స్థానిక పరిస్థితులను బట్టి తాము తెలంగాణ ఉద్యమం చేపట్టక తప్పదని చంద్రబాబుకు వివరించినట్లు చెప్పారు. ఆయన కూడా అందుకు అంగీకరించారని చెప్పారు. ఉద్యమం ఉధృతం చేసే భాగంలో తమతో కలిసి వచ్చే వారితో కలిసి పని చేస్తామన్నారు. నాగం మా పార్టీ నేతే అన్నారు. ఆయనతో కలిసే పోరాడుతామని చెప్పారు. పనుల ఒత్తిడి కారణంగా కొందరు సభకు వెళ్లడం లేదన్నారు. అయితే నూతన కమిటీ ఆధ్వర్యంలో అందరం కలిసి జిల్లాల్లో పర్యటిస్తామని చెప్పారు.

English summary

TDP senior MLA Errabelli Dayakar Rao said today that president Chandrababu permission is there for Nagam Janardhan Reddy public meeting.