• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

నాగంకు చెక్ చెప్పేందుకు ఎర్రబెల్లి ఇంట్లో తెలంగాణ టిడిపి వ్యూహం

By Srinivas
|

Errabelli Dayakar Rao
హైదరాబాద్: తెలుగుదేశం పార్టీ సీనియర్ శాసనసభ్యుడు నాగం జనార్ధన్ రెడ్డికి బ్రేకులు వేయడానికి తెలుగుదేశం పార్టీ వ్యూహాలు రచిస్తోంది. పార్టీలో ఉంటూనే పార్టీని ముప్పుతిప్పలు పెడుతున్న నాగం జనార్ధన్ రెడ్డి వైఖరిపై తెలుగుదేశం పార్టీ అధినేత నారా చంద్రబాబునాయుడే కాకుండా తెలంగాణ తెలుగుదేశం పార్టీ నేతలు కూడా తీవ్ర అసంతృప్తితో ఉన్నారు. నాగం వైఖరి తెలంగాణ విషయంలో పార్టీని అబాసుపాలు చేసే విధంగా ఉందని అందరూ భావిస్తున్నారు. ఇలాంటి సమయంలో నాగంపై చర్యలు తీసుకోవాల్సిందిగా అధినేతపై ఒత్తిళ్లు కూడా వస్తున్నాయి. కానీ తెలంగాణ సెంటిమెంట్ బలంగా ఉన్న ఈ సమయంలో తెలంగాణకోసం కట్టుబడి ఉన్నానని తెలంగాణ విషయంలో ఎవరి మాట వినేది లేదని చెబుతున్న నాగంపై చర్యలు తీసుకుంటే తెలంగాణలో పార్టీ పరిస్థితి కనుమరుగయ్యే అవకాశం ఉంది.

అందుకు ఆయనపై చర్యలు తీసుకోవడానికి చంద్రబాబు వెనక్కి తగ్గుతున్నారు. అంతేకాకుండా నాగర్‌కర్నూల్ నియోజకవర్గం పరిధిలోని ఎమ్మెల్యేలను నాగం బహిరంగ సభకు కూడా వెళ్లేందుకు అంగీకరించారు. అయితే ఈ క్రెడిట్ అంతా నాగం ఒక్కడికే దక్కే అవకాశం ఉన్నందున తెలంగాణకు చెందిన తెలుగుదేశం పార్టీ ప్రజాప్రతినిధులు సోమవారం ఎర్రబెల్లి దయాకర్ రావు ఇంటిలో సమావేశమయ్యారు. నాగం బహిరంగ సభను ఎలా ఎదుర్కోవాలి అనే దానిపై వ్యూహం రచిస్తున్నట్టుగా తెలుస్తోంది. అయితే వారు చర్చించిన పిమ్మట త్వరలో నాగంకు ధీటుగా తెలంగాణ అంశాన్ని ప్రజలలోకి వెళ్లే విధంగా వ్యూహం రచిస్తున్నట్టుగా తెలుస్తోంది. దానిని కూడా చంద్రబాబు అనుమతితో చేస్తున్నామనే భావన ప్రజలలో కల్పించే విధంగా ముందుకు వెళ్లి నాగంకు చెక్ చెప్పాలని చూస్తున్నట్టుగా తెలుస్తోంది. నాగం సభకు వెళ్లాలా, వద్దా అనే విషయంపై వారు మల్లగుల్లాలు పడుతున్నారు.

English summary
Strategy chalked out against TDP MLA Nagam Janardhan Reddy fight on Telgudesam party. Telangana TDP MLAs met at Errabelli Dayakar Rao residence today.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X