నాగం కొన్ని విషయాల్లో మొండిగా వ్యవహరిస్తున్నారు: ఎర్రబెల్లి

వరంగల్: తెలుగుదేశం పార్టీ సీనియర్ ఎమ్మెల్యే నాగం జనార్ధన్ రెడ్డి కొన్ని విషయాల్లో మొండిగా వ్యవహరిస్తున్నారని ఆ పార్టీ మరో ఎమ్మెల్యే ఎర్రబెల్లి దయాకరరావు మంగళవారం విలేకరులతో మాట్లాడుతూ చెప్పారు. నాగం జనార్ధన్ రెడ్డి పార్టీ అధ్యక్షుడు చంద్రబాబునాయుడు తిట్టడం, తెలుగుదేశం పార్టీ విమర్శలు చేసినందువల్లనే నాగం జనార్ధన్ రెడ్డిని విమర్శిస్తున్నారన్నారు. అంతే కానీ నాగం జనార్ధన్ రెడ్డి నాగర్‌కర్నూల్‌లో తెలంగాణ నగారా నిర్వహించినందుకు నాగంపై ఎలాంటి వ్యతిరేకత లేదన్నారు.

నాగంపై చర్యలు తీసుకోవాలని ఎవరూ కూడా డిమాండ్ చేయలేదని చెప్పారు. నాగం సభ సమర్థనీయమే అన్నారు. పిఎసి చైర్మన్ పదవి విషయంలో కూడా తప్పు పట్టాల్సినది ఏమీ లేదన్నారు. పిఎసి చైర్మన్ పదవిని నాగంకు రెండేళ్లు, నాకు రెండేళ్లు ఇచ్చేట్లుగా ముందుగానే ఒప్పందం కుదిరిందని ఆయన స్పష్టం చేశారు.

English summary

TDP senior MLA Errabelli Dayakar Rao clarified that party is not unhappy with Nagam Janardhan Reddy's Telangana Nagara public meeting. He accused that Nagam is going in his way some times.