అసోంలో కాంగ్రెస్ హ్యాట్రిక్: సిఎం తరుణ్ ఆధ్వర్యంలో భారీ ఆధిక్యం

న్యూఢిల్లీ: అసోంలో అధికార కాంగ్రెసు పార్టీ మరోసారి గెలిచి హ్యాట్రిక్ సాధించింది. తరుణ్ గోగాయ్ ఆధ్వర్యంలో కాంగ్రెసు పార్టీ ఘన విజయం సాధించింది. కాంగ్రెసు పార్టీ 126 అసెంబ్లీ స్థానాలకు గాను 72 స్థానాలు గెలుచుకొని 8 స్థానాలలో ఆధిక్యంలో ఉన్నారు. ఇక ప్రతిపక్ష అసోం గణ పరిషత్ పార్టీ కేవలం 11 స్థానాలు గెలుపొందింది. బిజెపి కూడా ఎక్కువ విజయంపై గట్టి నమ్మకం పెట్టుకున్నప్పటికీ కేవలం 4 సీట్లలోనే జయకేతనం ఎగుర వేసింది. తరుణ్ గోగాయ్ ప్రభుత్వ అభివృద్ధి, విపక్షాల అనైక్యతను ప్రజల్లోకి తీసుకొని వరుసగా మూడోసారి ఘన విజయం సాధించారు.

ప్రతిపక్ష పార్టీ అసోం గణ పరిషత్ అధ్యక్షుడు చంద్రమోహన్ పట్వారీ ఎన్నికలలో ఓడి పోవడం విశేషం. ఉల్ఫా ఓటింగ్‌లో పాల్గొనవద్దని హెచ్చరించినప్పటికీ భారీ సంఖ్యలో ఓటర్లు పాల్గొని తరుణ్ గోగాయ్‌కి పట్టం గట్టారు. 1963లో కాంగ్రెసులో చేరిన గొగాయ్ ఆ తర్వాత ఇందిరా, రాజీవ్ హయాంలలో పని చేశారు.

English summary

Congress get 72 seats, leading in another 8 seats in Assam.