వైయస్సార్ రికార్డును బ్రేక్ చేసిన జగన్, తండ్రిని మించిన తనయుడు

కడప: కడప లోకసభ స్థానంలో వైయస్సార్ కాంగ్రెసు పార్టీ అభ్యర్థి వైయస్ జగన్ తండ్రిని మించిన తనయుడని అనిపించుకున్నారు. కడప లోకసభ స్థానంలో తన తండ్రి వైయస్ రాజశేఖర రెడ్డి సాధించిన మెజారిటీని జగన్ అధిగమించారు. ప్రస్తుతం వైయస్ జగన్ 4 లక్షల 80 వేలకు పైగా మెజారిటీతో కొనసాగుతున్నారు. ఇంకా మైదుకూరు, పులివెందుల అసెంబ్లీ సెగ్మెంట్ల ఓట్ల లెక్కింపు పూర్తి కావాల్సి ఉంది. మెజారిటీ ఐదు లక్షలు దాటినా ఆశ్చర్యం లేదని అంటున్నారు.

కడప లోకసభ స్థానంలో 1991 ఎన్నికల్లో వైయస్ రాజశేఖర రెడ్డికి 4 లక్షల 18 వేల మెజారిటీ వచ్చింది. దాన్ని మించి జగన్ మెజారిటీ సాధిస్తున్నారు. జగన్ సత్తాకు కాంగ్రెసు అభ్యర్థి డిఎల్ రవీంద్రా రెడ్డికి, తెలుగుదేశం పార్టీ అభ్యర్థి ఎంవి మైసురా రెడ్డికి దిమ్మ తిరిగి పోయింది.

English summary

YSR Congress party candidate YS Jagan has brakes his father YS Rajasekhar Reddy's record.