అబ్బాయ్ వైయస్ జగన్‌పై చాలెంజ్‌లో ఓడిన బాబాయ్ వివేకానంద

కడప: పులివెందులలోనే తేల్చుకుంటానని అబ్బాయ్ వైయస్ జగన్‌పైకి విసిరిన సవాల్‌ను బాబాయ్ వైయస్ వివేకానంద రెడ్డి నిలబెట్టుకోలేకపోయారు. కాంగ్రెసు పార్టీకి వైయస్ జగన్ రాజీనామా చేసి కొత్త పార్టీ పెట్టాలని నిర్ణయించుకున్న సమయంలో వైయస్ వివేకానంద రెడ్డి ఆయనను ఇడుపులపాయలో కలిశారు. ఈ సమయంలో వైయస్ జగన్‌కు, వైయస్ వివేకానంద రెడ్డికి మధ్య తీవ్ర వాగ్వివాదం జరిగింది. ఈ సమయంలో తాను పులివెందులలోనే తేల్చుకుంటానని వైయస్ వివేకానంద రెడ్డి సవాల్ చేశారు.

సవాల్‌ను నిజం చేయడానికి పులివెందుల శాసనసభా నియోజకవర్గంలో వైయస్ వివేకానంద రెడ్డి వదని వైయస్ విజయమ్మపై కాంగ్రెసు అభ్యర్థిగా పోటీకి దిగారు. తానే తన సోదరుడు వైయస్ రాజశేఖర రెడ్డికి వారసుడినని కూడా చెప్పుకున్నారు. కానీ, వైయస్ వివేకానంద రెడ్డి జగన్‌పై ఘోరంగా ఓటమి పాలయ్యారు. వైయస్ విజయమ్మకు కనీస పోటీని కూడా ఆయన ఇవ్వలేకపోయారు. కేవలం 29వేలకు పైచిలుకు ఓట్లతో ఆయన సరిపెట్టుకోవాల్సి వచ్చింది. విజయమ్మకు 85 వేల పైచిలుకు మెజారిటీ లభించింది. తెలుగుదేశం పార్టీ అభ్యర్థి బిటెక్ రవి మూడో స్థానంలో నిలిచి తాను రెండో స్థానంలో నిలవడం వైయస్ వివేకానంద రెడ్డికి కాస్తా ఊరట.

English summary

Congress party candidate YS Vivekananda Reddy was defeated by his brother YS Rajasekhar reddy's son YS Jagan.