నాగం వెనుక ఎవరున్నారో చెబుతా, పద్ధతి మార్చుకో: ఎర్రబెల్లి

హైదరాబాద్: తెలుగుదేశం పార్టీ సీనియర్ ఎమ్మెల్యే నాగం జనార్దన్ రెడ్డి తన పద్ధతి మార్చుకోవాలని మరో ఎమ్మెల్యే ఎర్రబెల్లి దయాకర్ రావు ఆదివారం సూచించారు. నాగం అంటే ఎవరికీ భయం లేదన్నారు. పదవులు ఉన్నప్పుడు నాగంకు జెండా, పార్టీ, అధినేత ఫోటో గుర్తుకు రాలేదా అని ప్రశ్నించారు. ఇన్నిరోజులుగా పదవుల కోసం పాకులాడి ఇప్పుడు పార్టీ జెండా తెలంగాణ కోసం అడ్డు వచ్చిందా అని ప్రశ్నించారు. నాగం పార్టీ జెండాతోనే ఉద్యమించాలని సూచించారు. నాగం పెద్దవారు. ఇలా పద్ధతి తప్పి చేయడం సరికాదన్నారు.

నాగంపై పార్టీ చర్యలు తీసుకుంటుందని చెప్పారు. చర్యలు తీసుకోవాలంటే పార్టీలో చర్చించాలన్నారు. చర్యలు తీసుకోవడానికి భయం లేదన్నారు. అయితే ఆయన తప్పు మాట్లాడుతున్నారని అన్నారు. నాగం సొంతగా మాట్లాడటం లేదని, ఆయనతో ఎవరో మాట్లాడిస్తున్నారని ఆరోపించారు. వారు ఎవరో త్వరలో బయటపెడతానని చెప్పారు.

English summary

TDP senior MLA Errabelli Dayakar Rao suspected today that some are others behind MLA Nagam Janardhan Reddy.