కెసిఆర్ ఓ బ్రోకర్, టిఆర్ఎస్ రాజీనామాకు సిద్ధం కావాలి: ఎర్రబెల్లి సవాల్

హైదరాబాద్: తెలంగాణ రాష్ట్ర సమితి అధ్యక్షుడు కె చంద్రశేఖరరావుపై తెలుగుదేశం పార్టీ సీనియర్ ఎమ్మెల్యే ఎర్రబెల్లి దయాకర్ రావు ఆదివారం తీవ్రస్థాయిలో ధ్వజమెత్తారు. తెలంగాణ కోసం తెలుగుదేశం పార్టీ రాజీనామాలకు సిద్ధమని, మీరు సిద్ధంగా ఉండాలని ఆల్టిమేటం జారీ చేశారు. రేపటిలోగా మేం రాజీనామాలు చేస్తాం. మీరు రాజీనామాలకు సిద్ధమా అని టిఆర్ఎస్‌ను సవాల్ చేశారు. అసలు ఉద్యమ పార్టీకి రాజకీయాలెందుకని ప్రశ్నించారు. కెసిఆర్ కాంగ్రెసు ఏజెంటుగా వ్యవహరిస్తున్నారని అన్నారు.

టిడిపి ఎమ్మెల్యేలను ఎరవేసి బ్రోకరిజం చేస్తున్నాడని ఆరోపించారు. అందరం రాజీనామా చేసి పార్టీలకతీతంగా జెఏసి కింద పోటీ చేద్దామని, మీరు దానికి సిద్దమేనా అని ప్రకటించారు. తెలంగాణలో విద్యార్థులను పొట్టన పెట్టుకున్న పాపం టిఆర్ఎస్‌దే అన్నారు. ఆత్మహత్యల ఆధారంగా పేపర్, ఛానల్ పెట్టారని ఆరోపించారు.

English summary

TDP senior MLA Errabelli Dayakar Rao challenged TRS president K Chandrasekhar Rao that they are ready to resign for Telangana. He questioned that is TRS ready.